ബംഗളൂരു: അടിസ്ഥാന പ്രശ്നങ്ങൾ മോദി ചർച്ച ചെയ്യുന്നില്ലെന്ന് കോണ്ഗ്രസ് അധ്യക്ഷൻ രാഹുൽ ഗാന്ധി. കർണാടകയിൽ തെരഞ്ഞെടുപ്പ് പ്രചാരണങ്ങൾ അവസാനിക്കാൻ മണിക്കൂറുകൾ അവശേഷിക്കവേയാണ് രാഹുൽ മോദിക്കെതിരെ വീണ്ടും വിമർശനങ്ങൾ ഉന്നയിച്ചത്.
ഏതാനും മാസങ്ങൾക്കൊണ്ട് കർണാടക മുഴുവൻ താൻ സഞ്ചരിച്ചുവെന്നും ഇവിടുത്തെ അടിസ്ഥാന പ്രശ്നങ്ങൾക്കു വേണ്ടിയാണ് പോരാടിയതെന്നും രാഹുൽ വാർത്തസമ്മേളനത്തിൽ പറഞ്ഞു. ജനങ്ങളുടെ ആവശ്യം തിരിച്ചറിഞ്ഞാണ് കോൺഗ്രസ് പ്രകടന പത്രിക ഇറക്കിയതെന്നും രാഹുൽ കൂട്ടിച്ചേർത്തു.
സ്ത്രീകളുടെയും ദളിതരുടെയും പ്രശ്നങ്ങളിൽനിന്നു മോദി വിട്ടുമാറുന്നുവെന്നും ബുള്ളറ്റ് ട്രെയിനെ കുറിച്ചാണ് മോദി സംസാരിക്കുന്നതെന്നും രാഹുൽ പറഞ്ഞു. രോഹിത് വെമുലയുടെ മരണത്തെ സംബന്ധിച്ചും രാജ്യത്തിന്‍റെ വിവിധ ഭാഗങ്ങളിൽ ദളിതർക്കു നേരെയുണ്ടാക്കു അക്രമത്തെകുറിച്ചും മോദി ഒന്നും സംസാരിക്കുന്നില്ലെന്നും അദ്ദേഹം കുറ്റപ്പെടുത്തി.
കോണ്ഗ്രസ് പ്രകടന പത്രിക ബിജെപി കോപ്പിയടിച്ചുവെന്നും കർണാടകയിൽ കോണ്ഗ്രസ് അധികാരത്തിൽ വരുമെന്നും രാഹുൽ കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
